KNA

هۆكاره‌كانی  قژڕووتانەوە.


١-قژڕووتانەوە روودەدات دوای یەک بۆ دوو مانگ لە ھەموو نەخۆشییەک  کە تایەکی زۆری لە گەڵدا بێت وەک پەتـا و گرانەتا.


٢-هۆکاری خێزانی کە لە پیاواندا لەبەشی پێشەوەی سەر قژڕووتانەوە دەستپێدەکات لەگەڵ تەمەندا کەچەڵی ڕوودەدات، بەڵام لە ژناندا دەبێتە تەنکبوونی قژ لە تەوقی سەر.

٣-هوڕمۆنات؛ گۆڕانی هۆرمۆن لەکاتی دووگیانی منداڵبوون و لێچوونەوەی سوڕی مانگانە یان کێشەی غودەی دەرەقی.

٤-دابەزینی کێشی زۆر لە ماوەیکی کورت بەهۆی نەخۆاردنی تەندروست کە دەبێتە هۆی کەمی پرۆتین و ئاسن و ڤیتامینات، دەبێتەهۆی قژڕووتانەوە.

٥-وەرگرتنی چارەسەری نەخۆشییەکانی دڵ و پەستانی خۆین و جومگە و شێرپەنجە و هەندێ نەخۆشی درێژخایەن.

٦-وەرگرتنی چارەسەر بە تیشک بۆ نەخۆشی شێرپەنجە دەبێتەهۆی ڕووتانەوەی قژ.

٧-دڵە راوکێ و هیلاکی و ترسێکی زۆر یان دوای وەرگرتنی بەنج و نەشتەگەری.

٨-راکێشان و توندبەستنی قژ و بەکارهێنانی زۆری ئوتو و هەندێک ئامێر بۆ خاوکردنەوە و لولکردنی قژ.

٩-کەم خوێنی و کەمی مادەی ئاسن و ڤیتامینات دەبێتە قژڕووتانەوە.

چارەسەرکردنی قژڕووتانەوە:

١-چارەسەری بە پێی هۆکارەکەی.

٢-خواردنی سپێناخ و گێزەر و برۆکلی و بیبەری سەوز و گوێز و هێلکە و شوڤان و ماست و گوڵەبەروژە و گۆشت.

٣-بەکارهێنانی هەندێک سپرا و شامپۆی بەهێزکردنی قژ.

٤-بەکارهێنانی ڤیتامینات بۆ بەهێزکردنی قژ و حەبی دژە ئەندرۆجین بۆ ئەو ژنانەی رێژەی ئەندرۆجینیان زۆرە.

٥-بەکارهێنانی پلازما.

٦-چاندنەوەی قژ.

 

تاگ    ته‌ندروستی

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©