ماڵپەڕی healthline لە بابەتێکدا ئاماژەی بەوە کردووە بە چەند گۆڕانکارییەک لە خووەکانی ڕۆژانە وەک:

- ڕێککردنەوەی خەوت و ڕێگری کردن لە کەمخەوی کە هۆکارێکی زۆر بەربڵاوە بۆ دروستبوونی زیپکە

- کەم خواردنی شیرینی و چەوری 

- پاکڕاگرتنی ڕوخسار و شوشتنی ڕۆژانەی

- بەکارنەهێنانی ئەو ماکیاژانەی کە لەگەڵ جۆری پێستتدا ناگونجێن

هەروەها ئاماژەی بە دوو گیراوەی سادە و سروشتیی کردووە بۆ نەمانی زیپکەی ڕوخسار کە ئامانەن:

هەنگوین و دارچینی:

هەردوو کەرەستەکە دژە هەوکردن و بەکتریایە، دوو کەوچکی گەورە هەنگوین تێکەڵ بە کەوچکێکی بچوک دارچینی بکە، بەجۆرێک تێکەڵیان بکە وەک هەویر دەرچێت، گیراوەکە بدرێت لە ڕوخسار و ماوەی ١٠ بۆ ١٥ خولەک پێوەی بێت، دواتر بە ئاو لێبکرێتەوە.

سرکەی سێو:

سێ کەوچک سرکە تێکەڵ بە بڕێک ئاو بکرێت، چەند پارچەیەک لۆکەی تێبکرێت، لۆکەکان بخرێنە ئەو بەشانەی ڕوخسار کە زیپکەکەی پێوەیە، ماوەی پێنج بۆ ٢٠ چرکە پێوەی بێت و دواتر بە ئاو بشۆرێت، لە ڕۆژێکدا دوو جار ئەم کارە دووبارە بکرێتەوە بۆ دەستکەوتنی ئەنجامی باش، سرکە ئاوساوی و سوربوونەوەی پێست ناهێڵێت و ڕێگری لە دەرکەوتنی زیپکەی ڕوخسار دەکات.