ئاژانسێکی جیهانی رایدەگەیەنێت: تورکیا بۆ ئەنجامدانی ئۆپەراسیۆنێک بۆسەر رۆژئاوای کوردستان دەستی بەئامادەکارییەکان کردووە.

 
ئاژانسی رۆیتەرز لەسەر زاری دوو بەرپرسی تورکیا بڵاویکردۆتەوە، ئەو وڵاتە دستی بە ئامادەکارییەکان کردووە بۆ ئەنخجامدانی ئۆپەراسیۆنێکی سەربازی بۆسەر رۆژئاوای کوردستان.

ئەو دوو بەرپرسەی تورکیا ئاشکرایانکردووە، هێزەکانی سوپای تورکیا و دەزگای هەواڵگری تورکیا (میت)، دەستیان بە ئامادەکاری ئۆپەراسیۆن بۆسەر رۆژئاوای کوردستان کردووە و جەختیانکردۆتەوە؛ بڕیارلەسەر ئۆپەراسیۆنەکە دراوە و تەنیا ئەوە ماوەی دانوستانی زیاتر لەگەڵ ئەمەریکا و روسیا بکرێت.

ئاماژەیان بەوەشکردووە، بڕیارە رەجەب تەیب ئەردۆغان سەرۆک کۆماری تورکیا لەسەر ئەو پرسە لەمیانی بەڕێوەچونی لوتکەی (G20)، لەگەڵ جۆ بایدن سەرۆکی ئەمەریکا گفتوگۆبکات.

بەرپرسەکانی تورکیا باسیان لەوەشکردووە، پێویستە یەکینەکانی پاراستنی گەل (یەپەگە) هێزەکانیان (30)کم لە سنوری تورکیا دوربخەنەوە و ئەگەر لەو سنورانە دور نەکەونەوە هەوڵە دیپلۆماسییەکان لەگەڵ ئەمەریکا و روسیا بێ ئەنجام دەبن و تورکیا ئۆپەراسیۆنەکانی بۆ ناو خاکی رۆژئاوا دەستپێدەکات.

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©