لەسەر داواکارى بۆ ئازادکردنى زیندانێکى سیاسى، وەزارەتى دەرەوەى تورکیا باڵیۆزانى (10) وڵات بانگهێشت دەکات کە لە نێویاندا باڵیۆزى ئەمەریکا لە ئەنقەرە هەیە.

ئاژانسى هەواڵى ئەنادۆل لە زارى سەرچاوەیەکى دیپلۆماسیەوە بڵاویکردەوە، وەزارەتى دەرەوەى تورکیا بانگهێشتى باڵیۆزى وڵاتانى ئەمەریکا، ئەڵمانیا، فەرەنسا، دانیمارک، هۆڵەندا، سوید، نەرویج، فینلەندا، کەنەدا و نیوزلەنداى کردوە، لەسەر دۆسیەى ئەو بەیاننامەیەى لەبارەى دەستگیرکراوى سیاسى عوسمان کاڤالا دەریانکردوە. 

عوسمان کاڤالا چالاکوانێکى سیاسیە لەساڵى (2017) بە تۆمەتى تێوەگلان لەکودەتا شکستخواردوەکەى ساڵى (2016) دەستگیرکراوە، لە چەند رۆژى رابردوشدا باڵیۆزخانەى ئەو وڵاتانە بەیاننامەیەکیان لە تۆڕە کۆمەڵایەتییەکان بڵاوکردەوە و داواى ئازادکردنیان کرد و ئاماژەیان بۆ ئەوەشکرد، دەستگیکردنى پێشێلکردنى سەروەرى یاسا و دیموکراسیە.

بەپێى هەواڵەکەى ئاژانسى هەواڵى ئەنادۆڵ، بڕیارە ئەمرۆ باڵیۆزى ئەو وڵاتانە لە ئەنقەرە سەردانى وەزارەتى دەرەوەى تورکیا بکەن.

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©