عەلی قەرەداغی، ئەمینداری گشتی یەكێتی جیهانی زانایانی موسوڵمان، ئئیدانەی پەلامارەكانی ئەم دواییەی داعش دەكات و دەشڵێت: داعش بۆتە داردەست و هۆكاری ئیهانەكردنی موسوڵمانان.

عەلی قەرەداغی، لە پەیامێكدا سەبارەت بە پەلامارەكانی ئەم دواییە داعش رایگەیاند"ئیدانەی ئەو كردەوە تیرۆریستیەی داعش دەكەم كە لەكوردستان ئەنجامیدا، ئەو كردەوە قێزەونە بەهەمو پێوانەو بنەمایەكی ئایينی و نیشتیمانی و نەتەوەیی و مرۆڤایەتی ئیدانە كراوە."

هەروەها وتی" تێكدانی ئاسایشی كۆمەڵگە، خزمەت بە ئیسلام ناكات، خودای گەورە رەحم بە هاوڵاتیانی سڤیل و پێشمەرگەكانمان بكات."

عەلی قەرەداغی راشیگەیاند"ئێمە شانازی بەئیسلامەوە دەكەین، هیچ ئازایەتییەكی تێدانییە بۆ رێكخراوێكی تیرۆریستی وەك داعش كە بوەتە داردەست و هۆكاری ئیهانەكردنی موسوڵمانان و هاوكاری دوژمنانی ئیسلام."

زۆرترین خوێندراو

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©