د. سەباح هەورامی، بەڕێوەبەری گشتی تەندروستی سلێمانی، رەتیكردەوە هیچ حاڵەتێكی توشبوی ڤایرۆسی كۆرۆنا لە شاری سلێمانی بونی هەبێت.


ئاوێنە: لێدوانەكەی د. سەباح هەورامی، دوای ئەوە هات كە ئەمڕۆ هەینی، دەزگای تەندروستی پێشمەرگە لە راگەیەندراوێكدا بە پشت بەستن بە تاقیگەی نەخۆشخانەی ئاسا لە سلێمانی رایگەیاندبو" "لە تاقیگەی مۆلیكولەری نەخۆشخانەی ئاسا لە پشكنینە نوێكاندا بۆ گومانلێكراوان بە پەتای كۆرۆنا، بۆمان دەركەوتوە كە لەئێستادا جگەلە ڤایرۆسی كۆرۆنا، ڤایرۆسی سارس كە بە Severe Acute Respiratory Syndrome (SARS) ناسراوە لەناو هاوڵاتیاندا بڵاوبۆتەوە."


بەڕێوەبەری تەندروستی سلێمانی لە راگەیەندراوێكدا وتویەتی"هيچ بەڵگەيەکی زانستی لەبەر دەست نییە، بۆ بونی حاڵەتی توشبوی ڤایرۆسی سارس لە شاری سلێمانی."


جەختیشی كردۆتەوە كە "بەدواداچونی ورد دەکەین بۆ بابەتەکە."


دەزگای تەندروستی پێشمەرگە، لەلاپەڕەی رەسمی خۆی لە فەیسبوك راگەیەندراوەكەی بڵاوكردبوەوە بەڵام كەمێك لەمەوبەر ئەو راگەیەندراوەی سڕیوەتەوە.

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©