شاندی ھەرێم بۆ مافە داراییەکانی کوردستان لەنێوان دژەکانی ناوخۆی ھەرێم و ھەڕەشەکانی بەغدا.

شاندێكی حكومەتی هەرێمی كوردستان، بەسەرۆكایەتی قوباد تاڵەبانی،ماوەی 11 ڕۆژە لەبەغدان،لە گەرمەی كێشمەكێشمی سیاسی و لایەنە عێراقییەكان و هەرێمدا چەندین جار گەیشتون بەڕێكەوتن، بەڵام  ئەوەی مەترسیە لەسەر نەگەیشتن بەئەنجامی ڕێككەوتن تەنها بەغداد نیە،شارەزایان دەڵێن"وەك هەمیشە یەكنەگرتوی لایەنەكانی هەرێم و ئەوانەی لەبەرژەوەندی و قاچاخچێتیەكانی نەوت و داهاتی  گومرگەكانیان دەدرێت گرفت بۆ وەڤدەكەی هەرێم دروست دەكەن".

بۆچی پارتی و یەكێتی  لەوەفدەكە دەدەن.


بێهێزیی پشتیوانی وەڤدەكەی هەرێم كە  قوباد تاڵەبانی سەرۆكایەتی دەكات، چەند هۆكارێكی هەیە:لەوانەحیزبەكەی خۆی پشتیوانی نییە، هەوڵەكانی لە پەراوێزی هەواڵەكانیشدا ناڕازێنێتەوە، بەپێچەوانەوە لەملاولاوە لێی دەدرێت,تەنانەت هەندێك لە پەرلەمانتارانی خۆی لێی دەدەن  لە كاتێكدا لەشكرێكی بەهێزی دژە هەرێمی كوردستان لە پەرلەمانی عێراق  دروست بووە بۆ ڕێگری كردنە لە ئامانجەكانی بەدەستهێنانی قوتی فەرمانبەرانی هەرێم.ئەوە قسەی چالاكوانێكە سەرۆكی ڕێكخراوی كورد مادە.



 سامان ساڵح فەرەج،رۆژنامەنوسە و هاوكات سەرۆكی رێكخراوی  كورد ماد دەڵێت"دابەش بونێكی مەترسیدار لە كوردستان هەیە لە گوتاری هەموو حیزبەكاندا بەرامبەر بەغدا،لە كاتێكدا وەفدێك بۆ پرسێكی نیشتیمانی قورس لە بەغدان،ئەو دابەش بونە حكومەتی عێراق دەی قۆزێتەوە بۆ ریكنەكەوتن  و روداوەكانی پشتی ئەو ئاڵۆزیە دەخوێنێتەوە، ئەوە مێژوی  عێراق بووە لەگەڵ  شاندەكانی هەرێمی كوردستاندا".


مەرامە عێراقییەك هەیە‌ دەیەوێت بە هەموو گەلی كورد، نەك تەنها پارتی و یەكێتی، بڵێت: ئێوە كێن تا حكومەت و دامەزراوەتان هەبێت بێن لەگەڵ دەوڵەتی عێراق! رێك بكەون؟ ئەم مەرامە عێراقییە داگیركەرانەیە زوڕنالێدەری زۆرە لە كوردستان.


 پارتی و گۆڕان، هیچ ئومێدێكیان بۆ پشتیوانی لەسەر هەڵناچنرێت، هەرچەند بزوتنەوەی گۆڕان "لەم كەیسەدا" بەرپرسانە مامەڵەدا دەكەن.


 پارتی، لەژێر فشاری زۆردایە، فشاری ناوخۆیی،‌ هەرێمی و نێودەوڵەتیی، بۆیە هیچ كاتێك بۆ پشتیوانی كاروانەكەی رێگەی بەغداد، فەراهەم ناكات كە جێگەی دڵخۆشی بێت، هەرچەند خۆی بە بەرپرسیار دەزانێت.

قوباد تاڵەبانی، سیاسییەكی گەنجە، لەگەڵ دەركەوتنیدا لە كوردستان، هیوای دواڕۆژی یەكێتیی و لای هەندێك كەسی دڵسۆزیش هیوای دواڕۆژی كوردستانی خرایە سەرشان، بەڵام هەر زوو ئەم هیوایانە رووبەڕووی مەترسیی بوونەوە، بە ‌تایبەت دوای كۆچی دوایی مام جەلال.


وەستا رەسوڵ,نیگەرانە لەو دۆخەی كوردستان  كە لایەنەكان پێكەوە پشتیوانی وەفدەكە ناكەن،وەك خۆی بەدەنگی" ناشاز" ناویان دەبات.


وەستا رەسوڵ، ئەندامی سەركردایەتی یەكێتیە  و ڕاوێژكاری  هاوسەرۆكانە،جەخت لەوە دەكاتەوە كە قوباد تاڵەبانی  دیبلۆمات كارە و هەموو چاوەكان لەسەر ئەوە بۆ سەركەوتن لە گفتوگۆكان.


دەشڵێت"  هێندەی من ئەو دەناسم سەلیقەی گفتوگۆكانا باشە توانای هەیە لەكاری دبلۆماسی پشودرێژدەبیت دڵنیام لەبغدا ناگەڕێی تەوە تاسەرنەكەویت".


ئەو درێژە بە قسەكانی دەدات و سورە لەسەر ئەوەی كە سەرۆكی شاندی حكومەتی هەرێمی كوردستان  بۆ قوتی خەڵك بەرپرسیاری داوەتەسەر شانی رودەكاتە دەمی  قوباد تالچبانی و دەڵێت" بۆ ئەم كارەقورسەی شانت داوەتە بر تكایە لەپێناو میلەتەكەتا پشودرێژبە هەموان دەزانن لەپڕۆسەیەكی ئاڵۆزدا كاردەكەیت لەئێستایە پیرۆزترین كارئەوەیە خەڵكە برسیەكەی كوردستان لەم باروۆخە ڕزگاربكەیت هەموان چاویان بڕیوەتە كارەكانی خۆت و تیمەگەنجەكەی لەگڵتان لەبغدا ڕاستە لێرەولەوێ دەنگی ناشازدژبە ئێوە هەیە گۆمەمەدەن سوربن  تا كۆتایی لەگەڵ چارەسەردابن هیچ ڕێگایەكی ترنیە جگە لەڕێكەوتن لەگەڵ بغدا".

دانوستاندنی ئەمجارەی نێوان هەرێم و بەغداد قورس و جیاوازترە


كەمال رەئوف  رۆژنامەنوس  دەڵێت"هەموو ئەو چاوپێكەوتن و دانیشتنانەی لەگەڵ بەرپرسانی عێراق كراوە، ئەوە دەردەخەن، دانوستاندنی ئەمجارەی نێوان هەرێم و بەغداد قورس و جیاوازترە، بەتایبەتی كە لایەنە سیاسییەكانی عێراق خۆیان لەبەردەم هەڵبژاردنێكی سەختدا دەبیننەوە و لەلایەكی تریشەوە هەرێم بە كۆڵیك خاڵی لاواز و دەرزەنێك رێككەوتنی جێبەجێنەكراوەوە بەشداری ئەم گفتوگۆیانە بووە، دیارە بەغدادیش لەسەر خەرمانێك هەڵەوكەموكورتی حكومەتی هەرێم سەنگەری لە شاندەكەی هەرێم گرتوە و ئامادەنییە بەئاسانی وەك جاران سازانیان لەگەڵ ئەنجام بدات.

شانەكە لەسەری قوباد تاڵەبانیدا مەشكێنن! 
بەبروای ئەو رۆژنامەنوسە،ئەركێكی قورس كەوتووەتە سەر شانی قوباد تاڵەبانی، بەوەی یەكێتی و پارتی دەست بۆ ئەو گیرفانانەیان نابەن كە چەند ساڵ پری دەكەن و هاوكات هاوكاریشی نین لەوەی  روو بەروی گفتو گۆیەك بووەتەوە  لەگەڵ بەغدا  قورسترین گفتووگۆیە لە مێژوی هەر]م و بەغداد و ئاماژە بەوەدەكات،ئەمرۆ عێراق لەبەردەم قەیرانێكی ئابوری سەختدادیە، راستە ئەوان دەوڵەتن و كارتی زیاتریان لەبەردەستدایە، بەڵام دۆخی سیاسی و ئایندەی حوكمرانی ئەو وڵاتە نارۆشن و نادیارە، خۆ گەر پارتی و یەكێتی ئەوەندە حرسیان لەسەر پەیداكردنی داهاتە بۆ بژێوی و مووچە، دەبوو پێش ئەوەی ئاوا بەزەلیلی شاند بنێرنە بەغداد و چاو لەگیرفانی ئەوان بن، باشتر بوو پیاچوونەوەكیان بە گیرفانی حزبەكانی خۆیاندا بكردایە و هەموو هێڵكەكانی خۆیان بەپەلەپەل نەخستایەتە سەبەتەكەی عێراقەوە.

پەرلەمانتارانی عێراق شۆك بوون بە قسەكانی قوباد تاڵەبانی و دوای كۆبونەوەكە زۆرشت گۆڕا.


ڕێزان شێخ دلێر، ئەندامی پەرلەمانی عێراق لە فراكسیۆنی یەكێتیی نیشتیمانیی كوردستان، لەدوای كۆبوونەوەی قوباد تاڵەبانی و وەفدی حكومەتی هەرێمی كوردستان لەگەڵ پەرلەمانتارانی عێراق زۆر شت گۆڕا و زۆرێك لەلایەنە عێراقیەكان ڕایان لەسەر هەندێك بابەت گۆڕا.  

ڕێزان شێخ دلێر، لەمیانەی بڵاوكردنەوەی بابەتێك لە هەژماری خۆی لە فەیسبوك دەڵێت، مامی بچووك زۆر بەڕوونی و ڕاشكاوی ئەوەی گەیاند بە هەموو ئەندامانی پەرلــەمان كە ئەو هاتووە هەموو ئەوانەی خراپكراون لەپێشتر ئەو هاتووە بۆ چاككردنیان".  


بەوتەی ئەو پەرلەمانتارەی یەكێتی، لایـــەنە سیاسیە عێراقیەكان ئەوانەی وتاری پۆپلیستی توندیان دژ بەهەرێم دەوتەوە هەمووان شۆك بوون بە قسەكانی كاك قـوباد هەر خۆیان دوای كۆبوونەوەكە دەیانوت چاوڕوانی ئەوە نەبووین بەو ڕاشكاویە قسـەبكات.  


دەشڵێت "كاك قوباد  وەڵامی پرسیاری هەموو پەرلەمانتارانیان دایەوە گەرەنتیاندا بە پەرلەمانتارە عەرەبەكان و هەرێكەوتنێكمان كرد و جێ بەجێ نەكرا  وەرن لە هۆڵە گەورەكەی پەرلەمان بانگم بكـەن و لێپرسینەوەم لەگەڵ بكەن".  
رونیشیكردەوە، دوای ئەم هـاتنەی سەرۆكی وەفدی حكومەت بۆ ئەنجوومەنی نوێنەرانی عێراق زۆر شت گۆڕا زۆرێك لەلایەنە عێراقیەكان ڕایان لەسەر هەندێك بابەت گۆڕا، ئـومێد دەكەین بە زووترین كات ڕێكەوتنی نێوان هەولێر  و بەغدا بكرێت چونكە سەرۆكە گەنجەكەی وەفدەكە شەو و ڕۆژی خستۆتە سەریەك لەگەڵ تیمەكەی دانوستان دەكەن لە پێناو قووت و موچەی خەڵك.

راگەیاندنەكانی عێراق سەرسامن بەڕستگۆی قوباد تاڵەبانی

كچە پێشكەشكارێكی كەناڵێكی عێراقی سەرسوڕمانی خۆی بۆ قسەكانی قوباد تاڵەبانی دەردەبڕێت كە وەك كەسێكی عێراقی خەمخۆر بۆ هەموو عێراقیەكان قسە دەكات. 


لەمیانەی گفتوگۆیەكی تەلەفزیۆنیدا لەگەڵ كەناڵی "الدجلە"ی عێراقی (پێنجشەممە 17ی كانوونی یەكەمی 2020)، قوباد تاڵەبانی وەك كەسێكی كوردی - عیڕاقی قسەی كرد و ئاماژەی بەوەدا كە شانازی بەوەوە دەكات كە كوردە، بەڵام دەیەوێت عێراق وڵاتێكی گەشەسەندوو بێت."   


جەختیلەوەشكردەوە، "دەیەوێت عێراق لەسەر ئاستی ناوخۆیی و نێودەوڵەتی بەهێز بێت، چونكە بە بەهێزبوونی عێراق هەرێمی كوردستانیش بەهێز دەبێت." 

لەبەرامبەردا "سەحەر عەباس" كچە پێشكەشكاری كەناڵەكە سەرسوڕمانی خۆی بۆ قسەكانی قوباد تاڵەبانی ئاشكراكرد

كە وەك كەسێكی خەمخۆر بۆ هەموو عێراقییەكان قسە دەكات و وایزانیوە كە لە بەرنامەكەدا لەگەڵ كوردێكی نەتەوەیی كە تەنها بەرگری لە هەرێمی كوردستان بكات قسە دەكات.


سەرۆكی شاندی باڵای دانوستانكاری حكومەتی هەرێمی كوردستان  قسەی بۆ میدیا عێراقیەكان كرد و وتی " ئامانجی سەردانەكەی ئەم دوایەی شاندی حكومەتی هەرێم بۆجێبەجێكردنی بڕگەكانی یاسای قەرز بووە و لەگفتوگۆكاندا گەیشتونەتە زۆر لێكتێگەیشتن". دەشڵێت" فشارێكی سیاسی هەیە بۆ ئەوەی گەشەسەندنی هەرێمی كوردستان ڕابگیرێت".


قوباد تاڵەبانی، جێگری سەرۆكی حكومەتی هەرێم و سەرۆكی شاندی باڵای دانوستانكاری كوردستان بۆ بەغدا لەچاوپێكەوتنێكدا لەگەڵ كەناڵی دیجلە رایگەیاند" ئەو بێمتمانەییەی دروست بوە لە نێوان لایەنە سیاسییەكاندا چیتر تەنها بە قسە چارەسەر ناكرێت، ئەو هەمو ساڵەی قسەكردن لەسەر رێككەوتن و رێك نەكەوتن وایكردوە قسە جێی خۆی ناگرێت، ئەمڕۆ رۆژی ئیشكردنە لەبری قسەكردن".


ئەوەشی خستەڕوو، داوای لەپەرلەمانی عێراق كردوە چاودێر بن بەسەر چۆنیەتی جێبەجێكردنی یاسای قەرز و ئومێدەوارن لە لەچەند رۆژی داهاتودا پێشكەوتنی زیاتر لەگفتوگۆكان بەدیبهێنن، لەگەڵ ئەوەشدا كەلەكاتی گفتوگۆكاندا پێشبینی كراوە هەندێك كەسی ئیداری یان یاسای رەنگە كێشە بخەنەبەردەم كاروبارەكان بۆیە ناڵێم هیچمان نەكردووە، بەڵام رێكەوتنێكمان نەكردووە بەداخەوە بۆ ئەوەی رایبگەیەنین بۆ خەڵكی خۆمان و عێراق.


وتیشی" فشارێكی سیاسی هەیە بۆ ئەوەی گەشەسەندنی هەرێمی كوردستان ڕابگیردرێت تا بەشەكانی تری عێراق پێشبكەون و بگەنە ئەو ئاستە، نامانەوێت لە پارێزگاكانی تری عێراق ببەین و بیدەین بە هەرێمی كوردستان".


ڕاشیگەیاند" ئەم هەڵسەنگاندنە هەڵەیە. لە سەرجەم عێراق كەموكوڕی هەیە لە سیستمی حوكمڕانی بە هەرێمی كوردستانیشەوە، بۆیە لەبری ئەوەی ئێمە تۆمەت ئاڕاستەی یەكدی بكەین، دەبێت بێین كێشە گەورەكان چارەسەربكەین".

بۆ مافی نەتەوەكەم هاتومەتە بەغدا و بەشكستەوە ناگەڕێمەوە.

قوباد تاڵەبانی بەردەوام لە قسەكانیدا ئەو چەند ڕۆژەی لەبەغدایە دەڵێت" بۆ مافی نەتەوەكەم هاتوومەتە بەغداد و بە شكستەوە ناگەڕێمەوە"لەسەر ئەوەی سەرباری 320 ملیار دینارەكە، دەشیانەوێت موچەی مانگەكانی پێنج‌و شەش‌و حەوت وەربگرین كە شایستەی دارایی فەرمانبەرانی هەرێمە، ئەمە جگە لە دوو ترلیۆن دیناری یاسای قەرز".

ئەوەی چاوەروان نەدەكرا ئەو ناكۆكی و جیاوازیە سیاسیانەن كە لەكات و ساتی وەها ناسكدا دروست دەبێت،كە وەفدەكەی هەریم بەبارگرانی و قورساییەكی زۆرەوە لەبەغدان بۆماوەی 11 رۆژە،ئێستا هاووڵاتیانی كوردستان  چاویان بریوەتە ئەو هەموو ئومێدەی لەسەر ئەو وەفدە هەڵچنراوە،ئەمەو جگە لەوەی كە چەند لایەنە دژبە هەرێمی كوردستان لەبەغدا لە وەفدەكەی هەرێم دەدەن و نایانەوێت رێككەوتنەكە سەربگرێت،ئەوەدەش لە كوردستان ناكۆكیەكان زیاتربوون لەم چەند رۆژەدا،لەهەموی سەیرتر  یەكێتی لۆبیەكی بەهێزی بۆ سەرۆكی وەفدەكە نەكرد كە سەرۆكی شاندەكە لە حیزبەكەی خۆیەتی،لە كۆتایدا دەبێت بپرسین،شكستی وەفدەكە تەنها شكستی ئەوانە یان هەمووكوردستان...!


بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©