ئەندامێکى لیژنەى کاروبارى کۆمەڵایەتى لە پەرلەمانی عێراق ئاشکراى کرد، زیاتر لە ملێون و نێوێک کرێکارى بیانى لە عێراقدان و دەڵێت، گەر بنێردرێنەوە بۆ وڵاتەکانیان هەلى کار بۆ بێکارە ناوخۆییەکان دەڕخسێنرێت.  

لە لێدوانێکیدا بۆ ئاژانسى فەرمیی هەواڵیی عێراق  فازڵ فەتلاوى، ئەندامى لیژنەى کاروبارى کۆمەڵایەتى لە پەرلەمانى عێراق 13ى کانونى دووەمى 2021 ڕایگەیاندووە، زیاتر لە ملیۆن و نیوێک کرێکارى بیانیى لە عێراقدا هەیە و زۆربەیان  بە موچەیەکى بەرزەوە لە وەزارەتەکاندا کاردەکەن.  

ئاماژەى بۆ ئەوەش کردووە، لیژنەکەیان داواى لە حکومەت کردووە بۆ پێکهێنانى لیژنەیەکى هاوبەش لە وەزارەتەکانى ناوخۆ و کار بۆ ئەوەى چەند ڕێنمایەک دەربکرێت ببێتە دەرفەتێک بۆ دەستکەوتنى کار بۆ دەرچووە دانەمەزراو و ئەوانەى بێکارن لەعێراقدا.  

فازڵ فەتلاوى دەشڵێت، هەروەها لەگەڵ وەزیرى کاروبارى کۆمەڵایەتی و وەزارەتى ناوخۆدا قسەیان کردووە بۆ ئەوەى سنورێک بۆ هێنانى کرێکارانى بیانى دابنرێت و ڕێگەش لەو دیاردەیە بگیردرێت وئەگەر بێتو ئەوانە بنێردرێنەوە بۆ وڵاتەکانیان ئەوا هەلى کار بۆ عێراقیەکان دەڕخسێنرێت.  

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©